Policia e Shtetit ka vënë në pranga dy persona, lidhur me dosjen e trafikut të 119 kilogramë kokainë që u kapën pak ditë më parë në Portin e Durrësit.
Nga informacionet paraprake, mësohet se është ndaluar një agjent i AKU-së në port dhe një agjent doganor.
Nga hetimet paraprake, këta persona, identiteti i të cilëve nuk është bërë ende i ditur, kanë shpërdoruar detyrën duke mos ndjekur procedurat për kontrollin e kontenierit me banane ku ishte fshehur lënda narkotike e llojit kokainë.
Sasia e kokainës është kapur më 30 dhjetor të vitit të kaluar, ku shtetasi Hasan Salihu u paraqit në Portin e Durrësit për të tërhequr kontenierin e ardhur nga Ekuadori. Ky i fundit ka kaluar në skaner, ku edhe ka rezultuar i pastër. Kamioni është ndaluar në kompaninë në Tiranë, që kishte porositur frutat nga ekuadori. Aty është zbuluar edhe sasia e lëndës narkotike prej 119 kilogramë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
