Presidenti amerikan Donald Trump tha të premten se ishte e mundur që ai të takohej me Presidentin rus Vladimir Putin këtë verë dhe Moska nuk përjashtoi një takim.
I pyetur nëse ai kishte planifikuar të takohej me Putin këtë verë, Trump tha se ishte e mundur.
"Është e mundur që të takohemi, po," u tha Trump gazetarëve.
Moska nuk përjashton një takim midis Putinit dhe Trump këtë verë, njoftoi agjensia e lajmeve RIA të premten, duke cituar zëdhënësin e Kremlinit, Dmitri Peskov.
Agjencia e lajmeve Interfax citoi Peskov të thoshte se nuk kishte detaje konkrete mbi afatin kohor për një takim.
Ndërsa duke folur me gazetarët, Trump po ashtu fajësoi ish-Presidentin Barak Obama për aneksimin e Krimesë të Rusisë nga Ukraina në vitin 2014.
"Presidenti Obama humbi Krimenë ... Obama humbi Krimenë sepse Presidenti Putin nuk e respektoi Presidentin Obama, nuk e respektoi vendin tonë dhe nuk e respektoi Ukrainën," tha Trump.
Duke folur në një diplomim të Kolegjit të Luftës Detare të premten, Sekretari i Mbrojtjes i SHBA Jim Mattis ishte më kritik ndaj Rusisë.
"Për herë të parë që nga Lufta e Dytë Botërore, Rusia ka qenë vendi që ka reduktuar kufijtë ndërkombëtarë me forcë armësh në Gjeorgji dhe Ukrainë," tha Mattis.
Më parë këtë vit, ushtria amerikane tha në një strategji të re të mbrojtjes kombëtare që kundërshtimi i Rusisë do të ishte një prioritet.
"Putini kërkon të shkatërrojë NATO-n, ai synon të zvogëlojë apelin e modelit demokratik perëndimor dhe përpiqet të minojë autoritetin moral të Amerikës," tha Mattis.
"Veprimet e tij janë të dizajnuara për të mos sfiduar armët tona në këtë pikë, por për të nënvleftësuar dhe kompromentuar besimin tonë në idealet tona", shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
