Tusk: Lufta në Evropë është reale, BE duhet të jetë gati

Lufta në Evropë është e vërtetë, në fakt ajo tashmë ka filluar më shumë se dy vjet më parë.

Gjëja më shqetësuese është se çdo skenar është i mundshëm, fjalë për fjalë.

Është hera e parë që nga viti 1945 që ne gjendemi në një situatë të tillë.

Këto janë fjalë të forta, të thëna nga kryeministri polak Donald Tusk, të mbledhura nga korrespondentja e Repubblica, Tonia Mastrobuoni, duke folur për konfliktin në Ukrainë, i cili nuk ka pushuar prej më shumë se dy vitesh.

“Kur isha fëmijë, ishte një fotografi e varur në një mur në shtëpinë time familjare. Ajo tregonte një plazh në Sopot plot me njerëz të qeshur. Ishte bërë më 31 gusht 1939. Dhjetëra orë më vonë, pesë kilometra larg, filloi Lufta e Dytë Botërore”, thotë Tusk në intervistë.

E di që duket shkatërruese, veçanërisht për të rinjtë, por duhet të mësohemi mendërisht me ardhjen e një epoke të re.

Është epoka e paraluftës. Nuk po e ekzagjeroj. Po bëhet më e dukshme çdo ditë.

I pyetur çfarë do të ndodhte nëse Ukraina do të humbiste luftën, kryeministri polak u përgjigj:

Qëllimi ynë kryesor duhet të jetë mbrojtja e Ukrainës nga pushtimi rus dhe ruajtja e pavarësisë dhe integritetit të saj.

Fati i Ukrainës është mbi të gjitha në duart tona, jo vetëm BE-së, por të gjithë Perëndimit.

Sipas Tusk situata e saj sot është shumë më e vështirë se ajo e një viti më parë, por edhe shumë më mirë se ajo në fillim të luftës, kur ushtarët e Putinit ishin në periferi të Kievit.

Ne do të duhet ta konsiderojmë luftën në Ukrainë në një perspektivë afatgjatë.

Kjo do të sjellë përgjegjësi gjithnjë e më të reja për vendet evropiane.