Për momentin, Komisioni Evropian nuk ka rinovuar kontratën e tij për vaksinat anti-Covid të zhvilluara nga AstraZeneca përtej përfundimit të kontratës aktuale, të planifikuar për në fund të qershorit. Lajmi bëhet i ditur përmes një deklate nga Komisioneri Evropian i Tregtisë së Brendshme, Thierry Breton, për France Inter.
"Ne nuk e kemi rinovuar porosinë pas qershorit - theksoi ai. - Ne do të shohim se çfarë do të ndodhë".
Duke folur për France Inter, Breton nuk shprehu ndonjë kritikë ndaj vaksinës AstraZeneca, të cilën e cilësoi si "një vaksinë shumë interesante dhe shumë të mirë", veçanërisht "për kushtet logjistike dhe temperaturat" në të cilat mund të ruhet. Tani, megjithatë, theksoi Breton, "ne kemi filluar me Pfizer për të punuar me vaksinat e fazës së dytë dhe të gjeneratës së dytë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
