Vrasjet e gazetarëve u rritën me 50% në të gjithë botën në vitin 2022. 86 gazetarë janë vrarë vitin e kaluar, ose afërsisht ‘një në katër ditë.
Këto shifra u publikuan nga Unesco këtë të hënë.
Agjencia e OKB-së me bazë në Paris shprehu keqardhje për një përmbysje të trendit pozitiv të viteve të fundit, kur këto vrasje kishin rënë në 58 mesatarisht gjatë periudhës 2019-2021, kundrejt 99 në 2018.
“Rritja e numrit të gazetarëve të vrarë në 2022 është alarmante. Autoritetet duhet të dyfishojnë përpjekjet e tyre për t'i dhënë fund këtyre krimeve dhe për të siguruar që autorët e tyre të dënohen”, tha drejtoresha e përgjithshme e UNESCO-s Audrey Azoulay.
Nga 86 gazetarët që vdiqën vitin e kaluar, 19 u vranë në Meksikë, 10 në Ukrainë dhe 9 në Haiti, tre vendet më të përgjakshme për këtë profesion, thekson UNESCO.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
