Komandanti i KFOR-it, Oezkan Ulutash, deklaroi se duhet të sillen urgjentisht para drejtësisë përgjegjësit për sulmin në Banjskë.
Ai theksoi se NATO kërkon nga Beogradi që të ndihmojë në sigurimin e përgjegjësisë së plotë për këtë rast.
“KFOR-i synon të sigurojë që sulme të tilla të mos përsëriten. Është e rëndësishme që të dyja palët të përmbahen nga veprimet e pakoordinuara, të cilat mund të nxisin tensionet, të rrezikojnë sigurinë ose të rrezikojnë ushtarët e KFOR-it. NATO-ja vazhdon të mbështesë dialogun e lehtësuar nga BE-ja si kornizë për të arritur zgjidhje afatgjatë dhe të qëndrueshme që respekton të drejtat e të gjitha komuniteteve”, ka thënë komandanti në largim, gjeneralmajor Ulutash gjatë fjalimit të tij në selinë e NATO-s në Bruksel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
