Në emisionin “Të Paekspozuarit” në MCN TV, analisti Ermir Gjinishi ka komentuar zhvillimet e fundit mes Shtetet e Bashkuara të Amerikës, Izraeli dhe Irani, duke i cilësuar sulmet si pjesë të një strategjie të paramenduar dhe jo si reagim të çastit.
Jemi në një fazë tjetër të zhvillimit të marrëdhënieve mes Iranit dhe SHBA-ve. Palët vendosën të bënin negociata dhe dukej se po shkonin mirë, ndërkohë që erdhëm te sulmi i 28 shkurtit, i cili sipas Shtëpisë së Bardhë kishte si qëllim heqjen dorë të Iranit nga uraniumi, mbylljen e raketave balistike dhe rrëzimin e regjimit të Iranit. Izraeli nuk është viktimë, por arsyeja për sulmin ndaj Iranit. Por Izraeli vetë nuk e përballonte dot një përballje me Iranin
Sipas tij, përshkallëzimi i situatës nuk ishte i rastësishëm, por i menduar më herët në funksion të interesave strategjike në rajon.
Mendoj se kjo luftë ishte e paramenduar, sepse aleati kryesor i SHBA-ve, Izraeli, nuk ndihet i sigurt. Pastaj vijmë te rrëzimi i regjimit. Sulmi është një agresion ndaj një vendi sovran dhe të pavarur. Kjo ide që po godasim sistemet diktatoriale për të sjellë demokracinë është e gabuar. Koha ka treguar se regjimet nuk rrëzohen me goditjen e një lideri, sepse ato janë sisteme në vetvete.
Gjinishi nënvizoi se ndërhyrjet ushtarake me justifikimin e vendosjes së demokracisë kanë prodhuar shpesh destabilitet afatgjatë, duke paralajmëruar se zhvillimet e fundit mund të hapin një kapitull të ri tensioni në Lindjen e Mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
