Shqipëria në ngricë/ Osmani: Dita e martë, më e ftohta e javës

Moti i acartë që ka përfshirë Shqipërinë, me gjasë do të na përcjellë edhe gjatë javës që sapo hymë.

Sinoptikani Hakil Osmani, tha sot për “MCN live” se temperaturat e ulëta do të vijojnë kryesisht në zonat juglindore dhe verilindore me të gjitha zonët e thella malore.

“Zonat më problematika vijojnë të jenë zonat juglindore dhe verilindore, ku sot kemi pasur rënie te temperaturave termike në -15 gradë C, në qytetet e zonave malore, ndërsa në zonat e thella, do të zbresin edhe -13 gradë më shumë se -15 gradë c. Është edhe era verilindore e cila është mjaft e fortë dhe kësisoj temperaturat e ajrit ndjehen më të forta.

Sipas Osmanit, primatin e ditës më të ftohtë, do ta mbajë dita e nesërme.

“Dita e martë do të jetë dita më e ftohtë e javës, por për fat të mirë pas së mërkurës do të kemi tërheqje graduale të ftohtit, ndërsa ditët e fundit të janarit temperaturat do të ngjiten në -7 gradë C.

Zonat më të ftohta që përjetuan ulje temperaturash është verilindja, dhe juglindja.