Gazetari Armand Shkullaku thotë se të dhënat e reja për inceneratorët tregojnë se ka qenë një skemë e mirëmenduar në të cilën janë përfshirë njerëz me pushtet. Në emisionin “Të Paekspozuarit”, Shkullaku tha se pas disa koncesioneve me të cilat u abuzua hapur, skema e inceneratorëve ishte goditja e radhës.
Këtë e ka menduar një mjeshtër, nga ata që rrinë afër Ramës. Se as Rama nuk është aq i zgjuar. Ka qenë një BK që i ka thënë me check up u morën ca lekë pa bërë gjë, Rilindja urbane nja 1 miliard dollarë u sosën. Duhej shpikur diçka tjetër dhe kjo e inceneratorëve ishte një goditje me produkt të mirë. U shpik një emergjencë mjedisore. Kur ia thashë Edi Ramës këtë në një ballafaqim, ai tha kush jeni ju që merreni me punën e biznesmenëve të ndershëm. Ata janë njerëz të nderuar dhe që punojnë për këtë vend. PPP bëhet kur shteti nuk ka mundësi ta bëjë. Privati i thotë unë do ta bëj me lekët e mia dhe ti do m’i kthesh me këste. Inceneratori i Fierit i ka marrë të gjitha lekët dhe sot nuk është në gjendje pune. Me lekët tona po paguajmë inceneratorin e Tiranës, ndërkohë që pronarët janë në kërkim. Nuk është ndërtuar ende dhe ne paguajmë tarifë për djegien, rreth 70 mijë euro në ditë. Këtu një prokuror i thjeshtë mund të vijë e ta shohë. Këta mirë që kanë vjedhur lekët tona të buxhetit, por edhe taksën. Këta ditëzinjtë e inceneratorit kanë marrë diçka por pjesën tjetër e kanë marrë këta. Është një skemë piramidale që nuk mbaron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
