Kim dhe Kanye shihen së bashku në shfaqjen e Louis Vuitton në nder të Virgil Abloh

Kim Kardashian dhe Kanye West u shfaqën së bashku në shfaqjen e Louis Vuitton në nder të stilitit të njohur Virgil Abloh.

Çifti i divorcuar, së bashku me vajzën e tyre North West, bënë homazhet për ish-drejtorin artistik Abloh në koleksionin e tij Pranverë-Verë 2022 në Miami të martën, duke shënuar prezantimin e tij të fundit për markën.

Kardashian dhe West u ulën në rreshtin e parë në stadiumin Marine të Miami me vajzën e tyre tetëvjeçare North.

Ata u ulën së bashku pavarësisht romancës së re të Kardashian me yllin e "Saturday Night Live" Pete Davidson dhe zotimin e fundit publik të West për të ribashkuar familjen e tij.

Abloh, themeluesi i labelit të veshjeve të Off-White dhe një DJ i njohur, vdiq në moshën 41-vjeçare të dielën pas një beteje dy-vjeçare me angiosarkomën kardiake, një kancer i rrallë.

Dizajneri ishte një bashkëpunëtor i gjatë i West dhe shërbeu si drejtor kreativ për agjencinë e reperit. Ai gjithashtu krijoi kopertinat për albumet e West "My Beautiful Dark Twisted Fantasy" dhe "Yeezus".