Eksperti i Bujqësisë Eduard Sharka duke folur mbi skemën e fundit të subvencioneve në bujqësi tha se skema favorizon bizneset e mëdha, miqtë e pushtetit, dhe përjashton bizneset e vogla dhe të mesme. Duke folur në edicionin e lajmeve në Mcn Tv Sharka tha se skema bëhet për të mbushur boshllëqet e lëna nga bllokimi i IPARD-it, dhe ndjek të njëjtat procedura.
“Duhet të jesh fermë e madhe e specializuar, të shkosh të marrësh asistencën e zyrave të ekonomisë, ekspertëve të tjera, sepse është e njëjta procedurë si për fondet e IPARD-it, që i ka hequr nga skema e subvencionimit, pra skema direkte, dhe i ka cuar për të mbuluar hapësirën e lënë bosh nga bllokimi i fondeve IPARD. Por kanë lënë të njëjtën procedurë për aplikim dhe plotësimin e dokumentacionin. Me nipt fermeri mund të aplikosh deri 30-50 milionë, dhe po e kalove këtë shumë duhet të hapësh nipt tregtar. Pastaj ka procedura, duhet asistenca e kontabilistit, etj. etj. Kjo e vështirëson aplikimin, rrit koston e aplikimit. Zakonisht fermerët kërkojnë traktorë të vegjël. Por s’ia vlen, ia vlen vetëm po të marrësh traktorë të mëdhenj dhe të fuqishëm. Kjo skemë favorizon prapë bizneset e mëdha, miqtë e pushtetit, që marrin asistencën e zyrave të pushtetit dhe përjashton fermerët e vegjël, të mesëm, që nuk disponojnë këtë marrëdhënie me pushtetin. Sektori aktualisht s’është atraktiv, zë vetëm 1 për qind të portofolit të kredive, nuk guxon kush për të investuar. Nuk është marrë asnjë masë për zmadhimin e fermave. Kjo qeveri ka një mungesë të theksuar vullneti për të përkrahur sektorin kryesor të ekonomisë sonë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
