Një konferencë në ndihmë të Ukrainës është duke u zhvilluar në Paris dhe do të fokusohet në mbështetjen e infrastrukturës kritike të Ukrainës gjatë dimrit, tha të martën një zëdhënës i Pallatit Elysee.
Temperaturat kanë rënë nën zero në shumë zona të Ukrainës javët e fundit, ndërsa sulmet e pamëshirshme ruse kanë lënë miliona pa energji elektrike, ujë dhe ngrohje qendrore.
Konferenca, e organizuar nga presidenti francez Emmanuel Macron, është krijuar për të "mobilizuar komunitetin ndërkombëtar", për të ndihmuar në ruajtjen e infrastrukturës civile të Ukrainës dhe do të "sigurojë mbështetje të menjëhershme" të fokusuar në periudhën midis dhjetorit dhe mesit të marsit, tha zëdhënësi.
Priten fjalime nga Macron dhe kryeministri ukrainas Denys Shmyhal, si dhe një paraqitje virtuale nga presidenti ukrainas Volodymyr Zelensky. Përfaqësues të 47 shteteve dhe rreth 23 institucioneve ndërkombëtare do të marrin pjesë me rreth 500 kompani franceze.
Delegatët do të përqendrohen në pesë fusha specifike ku Ukraina ka nevojë për mbështetje - uji, ushqimi, energjia, shëndeti dhe transporti, tha zëdhënësi i Elysee.
Në vend të premtimeve të përgjithshme për Ukrainën, vendeve do t'u kërkohet të angazhohen për mbështetjen që do t'i ofrohet Ukrainës nga mesi i marsit, shtoi zëdhënësi. Gjithashtu pritet të nënshkruhen disa marrëveshje për infrastrukturën kritike.
Franca do të propozojë gjithashtu zbatimin e një portali online të krijuar për të lejuar vendet të shohin nevojat e Ukrainës dhe të përgjigjen me ndihma humanitare në kohë reale.
Miliona ukrainas kanë mbetur pa energji në mes të një vale sulmesh ruse në infrastrukturën kritike të energjisë, pikërisht kur fillon dimri në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
