Zgjedhjet për presidentin e ardhshëm në Venezuelë mbahen sot, më 28 korrik.
Në garë për postin më të lartë janë 10 kandidatë, të cilët synojnë të udhëheqin vendin për 6 vitet e ardhshme.
Në kërkim të një mandati të tretë është presidenti aktual i Venezuelës, Nicolas Maduro, i cili përballet me kundërshtarin kryesor të opozitës, Edmundo González Urrutia.
Presidenti në largim Nicolas Maduro
Presidenti aktual i Venezuelës, Nicolas Maduro, i cili ka qenë në detyrë që nga viti 2013, kandidon për një mandat të tretë. Lëvizja së cilës i përket Maduro ka kontrolluar Venezuelën që nga viti 1998 dhe, siç raportohet nga New York Times, që atëherë është bërë gjithnjë e më autoritare.
Votimi i sotëm është, i pari në më shumë se një dekadë në të cilin një kundërshtar i opozitës ka një shans serioz për të fituar dhe për t'u bërë presidenti i ardhshëm.
Sfiduesi Edmundo González Urrutia
Rizgjedhja e Nicolas Maduro vihet në pikëpyetje nga Edmundo González Urrutia, një ish-diplomat 74-vjeçar dhe kreu i një koalicioni të partive opozitare. Edhe pse ai nuk është një figurë veçanërisht e njohur në vend, mbështetja e María Corina Machado, një lidere popullore e opozitës që u pengua të kandidonte nga qeveria e Maduros, luajti në favor të tij.
Kandidatët e tjerë
Ka gjithsej 10 kandidatë presidencialë në Venezuelë, megjithëse disa burime bien dakord se vetëm Nicolas Maduro dhe Edmundo González Urrutia kanë një shans real për të fituar zgjedhjet.
Emrat e tjerë që do të shfaqen në fletët e votimit janë ata të Benjamín Rausseo të Konfederatës Kombëtare Demokratike, Antonio Ecarri nga Aleanca Lapis, Claudio Fermín, Daniel Ceballos nga partia Arepa, Javier Bertucci nga partia El Evangelio Cambio, José Brito nga Primero Justicia, Luis Eduardo Martínez i Veprimit Demokratik dhe Enrique Márquez i Movimiento Centrados.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
