Forcat ruse kanë kryer një sulm ajror gjatë natës mes të hënës dhe të martës, duke shënjestruar qytetin e Sumy, në verilindje të vendit, duke vrarë 9 civilë, mes tyre dhe dy fëmijë.
Kreu i administratës ushtarake rajonale, Dmytro Zhyvytsky, deklaroi se ishte një betejë e paparë më herët, ku forcat ruse sulmuan civilët.
Sulm gjatë natës ka pasur edhe në Kiev, ku funksionarë ukrainas denoncojnë bombardimet në periferi të kryeqytetit.
Bombat përfunduan në rezidenca banimi, duke shkatërruar edhe një central elektrik.
Kjo është dita e 13-të e luftimeve, pasi pala ruse nisi agresionin ushtarak ndaj Ukrainës, më 24 shkurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
