Gjykata Kushtetuese ka vendosur të lërë në detyrë Vitore Tushën cilësinë e kryetares, mandati i së cilës ka përfunduar prej kohësh, deri në plotësimin e 9 anëtareve të kësaj gjykate.
Në mbledhjen e së enjtes, e cila ka zgjatur për rreth 5 orë, Gjykata Kushtetuese ka përcaktuar gjithashtu kalendarin e çështjeve për shqyrtim në seacnë plenare, me në fokus çështjet e mbarutura dhe rëndësinë e tyre.
Në njoftimin zyrtar të Gjykatës Kushtetuese shkruhet:
Gjyqtarët e Gjykatës Kushtetuese, në mbledhjen e sotme të datës 7 janar 2021 vendosën si më poshtë vijon:
1. Të fillojnë procesin e hartimit të rregullave procedurale administrative në funksion të zgjedhjes së Kryetarit të Gjykatës Kushtetuese, bazuar në nenin 7/d të ligjit nr.8557/2000 (i ndryshuar);
2. Të ngarkojnë znj. Vitore Tusha, në cilësinë e gjyqtares më të vjetër në detyrë, për të vazhduar ushtrimin e kompetencave të Kryetarit deri në përfundimin e procesit të zgjedhjes së Kryetarit;
3. Të caktojnë përbërjen e 3 kolegjeve për vitin kalendarik 2021, në bazë të nenit 13, shkronja e) të ligjit nr. 8577/2000, i ndryshuar;
4. Të caktojnë kalendarin e çështjeve për shqyrtim në seancë plenare dhe në mbledhjen e gjyqtarëve, duke pasur parasysh jo vetëm rendin kronologjik të çështjeve të mbartura, por edhe natyrën dhe rëndësinë e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
