Një flamur gjigant i Bashkimit Evropian i ekspozuar në Harkun e Triumfit në Paris për të shënuar marrjen e presidencës nga Franca është hequr pasi u kritikua nga politikanët e krahut të djathtë.
Udhëheqësja e ekstremit të djathtë Marine Le Pen tha se "zëvendësimi" i flamurit francez në monument ishte një sulm ndaj identitetit të vendit.
Një ministër i qeverisë tha se lëvizja kishte për qëllim të ishte vetëm e përkohshme. Franca ka marrë presidencën e rradhës të BE-së për gjashtë muajt e ardhshëm.
Zonja Le Pen, e cila është kandidate në zgjedhjet presidenciale në prill, ishte zotuar të paraqiste një ankesë në Këshillin e Shtetit, gjykatën më të lartë të Francës për çështje administrative. Ajo e përshkroi heqjen e flamurit të BE si një fitore që rezulton nga presioni ndaj qeverisë.
Kandidati i pavarur i ekstremit të djathtë Eric Zemmour, i cili po ashtu kandidon kundër Presidentit Emmanuel Macron, e quajti atë " një zemërim ".
Kandidatja konservatore Valérie Pécresse kundërshtoi gjithashtu pozicionin e flamurit të BE-së: "Kryesoni Evropën po, fshirja e identitetit francez jo!", shkroi ajo në Twitter:
Por ministri i Çështjeve Evropiane, Clément Beaune mohoi se qeveria i ishte përkulur presionit nga e djathta ekstreme dhe tha se flamuri ishte hequr siç ishte planifikuar.
“Ishte planifikuar që flamuri të hiqej këtë të dielë, ne nuk kishim vendosur një kohë të saktë”, tha ai për radion France Inter.
Z. Beaune theksoi gjithashtu se flamuri francez, i cili ndonjëherë shfaqet në Harkun e Triumfit, nuk është një objekt i përhershëm atje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
