Shtetet anëtare të Bashkimit Evropian u dakordësuan sot për të hequr kufizimet e udhëtimit për tetë shtete. Mes tyre gjenden tre shtete nga Ballkani Perëndimor; Shqipëria, Serbia dhe Maqedonia e Veriut.
Këshilli i BE-së në maj, hoqi zyrtarisht kufizimet për shtetasit e vendeve të treta, të cilat janë vaksinuar me dy dozat kundër COVID.
Pavarësisht se ky vendim prekte dhe vendet e Ballkanit Perëndimor, fjala e fundit i takonte vendeve pritëse nëse i lejonin këto udhëtarë të kalonin apo jo.
Përveç tre vendeve të Ballkanit Perëndimor, në listë janë edhe Shtetet e Bashkuara, Hong Kongu, Makao, Arabia Saudite dhe Tajvani.
08:13h -Pritet vendimi për shpalljen si "të sigurta" nga Covid për Shqipërinë, Serbinë dhe MV
Shqipëria, Serbia dhe Maqedonia e Veriut, kanë arritur potencialin që të shpallen vende të sigurta për udhëtim të lirë drejt vendeve të Bashkimit Evropian.
Këtë e bëri të ditur mbrëmjen e 15 qershorit, Radio Evropa e Lirë nga burime diplomatike.
Nën presidencën e Portugalisë, BE-ja po shqyrton vendet, të dhënat e të cilave tregojnë se raporti i infektimit është 75 raste pozitivë për 100 mijë banorë, në 14 ditët e fundit.
Përveç tre vendeve të Ballkanit Perëndimor, potencial për të udhëtuar lirshëm janë Shtetet e Bashkuara, Hong Kongu, Makao, Arabia Saudite dhe Tajvani.
Vendimi përfundimtar pritet të merret pas mbledhjes së ambasadorëve të vendeve anëtare të BE-së, gjatë ditës së sotme.
Këshilli i BE-së në maj, hoqi zyrtarisht kufizimet për shtetasit e vendeve të treta, të cilat janë vaksinuar me dy dozat kundër COVID.
Pavarësisht se ky vendim prekte dhe vendet e Ballkanit Perëndimor, fjala e fundit i takonte vendeve pritëse nëse i lejonin këto udhëtarë të kalonin apo jo.
Ndërkaq Shqipëria, Serbia dhe Maqedonia e Veriut, kanë parë ulje të ndjeshme muajin e fundit të numrit të rasteve pozitive me COVID.
Gjatë 24 orëve të fundit Shqipëria ka pasur tetë raste, Serbia 124 dhe Maqedonia e Veriut 29 raste.
Ndërkohë Shqipëria ka imunizuar me të dyja dozat mbi 330 mijë qytetarë, Serbia rreth 2.3 milionë të popullsisë dhe Maqedonia e Veriut mbi 187 mijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
