LSI thotë se do të jetë më e ashpër se PD sa i takon strategjive që janë ndjekur për koncesionet. Në një bashkëbisedim me mediat, kryetarja Monika Kryemadhi tha se LSI do ta vërë theksin te kompanitë offshore që përfitojnë nga kontratat PPP.
“Sa i përket koncesioneve, ne kemi një qëndrim të prbashkët me PD. Ka qenë PD dhe LSI që kanë punuar me grupet e opozitës për planin e zhbërjes së koncesioneve. Ne si LSI shkojmë më tej se PD. Ne nuk do të lejojmë të marrin pjesë në fitimin e tyre të kompanive offshore. Pra, kompanitë pa emra, apo që regjistrohen me 100 mijë lekë të vjetra dhe fitojnë tendera me 20 milionë euro. Kemi kompani offshore, biznesmenë të rinj në moshë që marrin 30 milionë euro dhe zhduken. Ndërkohë kemi qytetarë që arrestohen se nuk kanë mbajtur maskën në rrugët e Tiranës”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
