Reshjet e rëna gjatë 24 orëve të fundit kanë shkaktuar problematika në qarkullim në qarkun e Vlorës. Aksi Vlorë-Orikum u zhbllokua nga dherat e rënda mbrëmjen e së enjtes, ndërsa lëvizja bëhet vetëm në njërin sens të tij.
Lidhur me situatën e krijuar nga reshjet, në një lidhje skype për MCN TV, prefekti i qarkut Vlorë Flamur Mamaj tha se për shkak të reshjeve vazhdojnë të vijnë inerte nga mali, por siç u shpreh ai për të pastruar rrugët janë vënë në punë të gjitha kapacitetet.
Intervista:
Z. Mamaj a ka më probleme në këto momente që flasim dhe cilat kanë janë pikat më të vështira për t’u menaxhuar?
Mamaj: Situata e mbrëmshme ka krijuar probleme në zonën e Vlorës në rrugën që lidh Vlorën me Orikumin. Reshjet kanë shkaktuar problematika. ARRSH ndërkohë po pastron mbetjet në rrugë.
Z. Mamaj një situatë e vështirë dje ku mbi 100 pasagjerë mbërritën pas shumë orësh pritje në det të hapur. Por kjo nuk është hera e parë, pasi sipas tyre përsëritet dhe ndërkohë kompanitë e lundrimit dhe ato portuale nuk kanë marrë asnjë masë dhe s’u ka njohur asnjë kosto edhe pse nuk ka qenë për faj të udhëtarëve kjo vonesë.
Mamaj: Situatën e tragetit për shkak të kushteve që ofron porti i Vlorës duhet ta kenë parasysh kompanitë. Është e vërtetë që në orarin e mbërritjes ka pasur intensitet të lartë reshjesh, gjë që u vërtetua me problematikat në qytetin e Vlorës.
Kush janë angazhuar për të pastruar rrugët dhe a ka kapacitete të mjatueshme me mjete?
Mamaj: Kemi aktivizuar thuajse të gjitha kapacitetet edhe private, kapacitetet e ARRSH dhe struktura private. Po bëhet një punë e mirë bashkë me firmën e bypass-it. Aktualisht edhe për shkak të reshjeve vazhdojnë të vijnë inerte nga mali dhe nga verifikimet janë edhe inerte për shkak të rrëshkitjes së dherave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
