Kryeministri japonez Fumio Kishida do të takohet me Presidentin Volodymyr Zelensky gjatë një vizite të papritur në Kiev për të ofruar “solidaritet dhe mbështetje të pakushtëzuar” për Ukrainën.
Një fakt i tillë u bë i ditur nga Ministria e Jashtme japoneze pasi lajmi i udhëtimit u zbulua përmes agjencive kombëtare.
Kishida është lideri i fundit i G7-ës që viziton Ukrainën që nga fillimi i agresionit rus.
Javët e fundit është vënë nën presion në rritje për të mbushur këtë boshllëk duke pasur parasysh se Japonia do të presë samitin e ardhshëm në Hiroshima në muajin maj.
Kryeministri kishte deklaruar disa herë se një vizitë në Kiev ishte në konsideratën e tij, por sfidat logjistike dhe të sigurisë, ishin përbërë një pengesë shumë e rëndësishme.
Kishida, duke u kthyer nga një udhëtim në Indi ku takoi homologun Narendra Modi, sipas planeve duhet të ishte kthyer në Tokio. Por çuditërisht, ai fluturoi për në Poloni ku mori një tren për të shkuar në Ukrainë.
Ndër arsyet e udhëtimit është dëshira për të rinovuar solidaritetin dhe afërsinë mes Tokios dhe Kievit. Kishida do të përsërisë, në takimin me Zelensky, respekt për guximin dhe këmbënguljen e popullit ukrainas dhe do të ofrojë “mbështetjen e palëkundur” të vendit aziatik dhe të G7, të kryesuar nga Japonia.
Udhëheqësi japonez duhet të vazhdojë me rrugën e kundërt, ai do të kthehet në Poloni të mërkurën, për disa bisedime ndërkombëtare, dhe më pas do të fluturojë për në Tokio të enjten.
Lajmi i udhëtimit u raportua fillimisht nga mediat japoneze, duke përfshirë transmetuesin kombëtar NHK, reporterët e të cilit në Poloni filmuan një makinë që transportonte kryeministrin në qytetin Przemysl, nga ku liderët e huaj të thirrur shpesh morën trenin për në Ukrainë.
Vizita e Kishida vjen gjithashtu krahas vizitës së Presidentit kinez Xi Jinping në Moskë për bisedime me liderin rus Vladimir Putin, lidhur me konfliktin në Ukrainë.
Japonia i është bashkuar prej kohësh aleatëve të saj perëndimorë në formulimin e sanksioneve kundër Moskës për ndërhyrjen e saj në Ukrainë, ndërkohë që ofron afërsi me Kievin.
Ajo gjithashtu ka dërguar pajisje mbrojtëse dhe ka ofruar të strehojë ata që ikin nga konflikti. Megjithatë, nuk ka ofruar mbështetje ushtarake, sepse Kushtetuta e vendit të pasluftës e kufizon fushën e veprimit të qeverisë vetëm në zbatimin e masave mbrojtëse.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
