Numri i viktimave nga tërmeti i Mianmarit ka shkuar mbi 3000, njoftoi junta qeverisëse e vendit.
Deri më tani janë konfirmuar 3085 të vdekur dhe 4715 të plagosur, ndërsa të paktën 341 persona rezultojnë të zhdukur.
Tërmeti me magnitudë 7.7 ballë që goditi vendin të premten e kaluar, shkaktoi mijëra shembje dhe dëmtime shumë të rënda në gjashtë rajone të vendit, tashmë në gjendje të jashtëzakonshme.
Operacionet e kërkim-shpëtimit vazhdojnë të pandërprera, mes rrënojave të qyteteve dhe fshatrave të shkatërruara.
Ndërkohë, meteorologët paralajmërojnë se në Myanmar priten reshje të pazakonta nga e diela deri më 11 prill në zonat veçanërisht të prekura nga tërmeti, si Mandalay, Sagaing dhe Naypyidaw.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
