Arta Marku është zgjedhur kryeprokurore e përkohshme me 69 vota të shumicës, në një seancë që u shoqërua me tensione për shkak të kundërshtimit të ashpër të opozitës.
Kjo është hera e dytë që Prokuroria e Përgjithshme i besohet një femre, pas zgjedhjes së Ina Ramës në vitin 2007.
Ajo gjeti mbështetjen e Partisë Socialiste, votat e të cilës i dhanë sot detyrën e re. Pas votimit seanca u ndërpre. Rifillimi i saj pasoi betimin e Markut si kryeprokurore e re, çka i dha fund punimeve të Parlamentit për sot.
Kush është Arta Marku
Arta Marku është 41 vjeçe, nga Puka. Ajo ka punuar si prokurore në rrethin e Shkodrës.
Marku ka mbaruar në vitin 1999 shkollën e lartë në Shkodër, ndërsa Magjistraturën në 2001 dhe ka një eksperiencë prej 15 vitesh si zv/prokurore e këtij rrethi.
Marku garon edhe për Këshillin e Lartë të Prokurorisë.
Bashkëshorti i saj punon si Oficer i Policisë Gjyqësore (OPGJ) për qarkun Lezhë, Shkodër dhe Kukës.
Gjatë karrierës së saj 15-vjeçare në Prokurorinë e Shkodrës, Marku nuk ka hetuar asnjë dosje të rëndësishme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
