Fushata e Zëvendës-Presidentes Kamala Harris ka mbledhur 540 milionë dollarë që prej nisjes muajin e kaluar, duke përfshirë një rritje të përforcuar nga Konventa Kombëtare Demokratike në Çikago dhe një total që përbën "një rekord për çdo fushatë në histori".
Fushata mblodhi 82 milionë dollarë gjatë Kongresit javën e kaluar, ku kulmi u arrit gjatë fjalimit të të enjtes mbrëma, bën me dije menaxherja e fushatës së Harris, Jen O'Malley Dillon.
1/3 e donacioneve të javës ishin nga kontribuesit për herë të parë, duke treguar aftësinë e saj për të shfrytëzuar donatorët që presidenti Joe Biden nuk i kishte kur ishte ai kandidati potencial për Shtëpinë e Bardhë.
2/3 e donatorëve për herë të parë ishin gra, bën me dije fushata e Harris. Fushata tha se mbledhja e fondeve, e cila nuk mund të konfirmohet në mënyrë të pavarur derisa të dorëzohen raportet e saj të ardhshme financiare, pasqyron totalin e mbledhur nga kandidatja demokrate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
