Rusia teston për herë të parë raketën hipersonike të lëshuar nga një nëndetëse

Rusia ka deklaruar se ka testuar me sukses një raketë lundrimi hipersonike Tsirkon (Zircon) të lëshuar për herë të parë nga një nëndetëse.

Presidenti Vladimir Putin e ka cilësuar këtë armë si pjesë të një brezi të ri sistemesh të pakrahasueshme të armëve.

Ministria e mbrojtjes, e cila testoi gjuajtjen e raketës Tsirkon nga një anije luftarake në korrik, tha se nëndetësja Severodvinsk ka lëshuar raketën ndërsa ishte vendosur në Detin Barents dhe kishte goditur objektivin e saj të zgjedhur.

Pamjet video me cilësi të ulët të lëshuar nga ministria treguan raketën të gjuhej nga një nëndetëse dhe shkëlqimin e saj që ndriçonte qiellin e natës dhe sipërfaqen e ujit.