“Dinastia Backa”, familja me 420 medalje në karate

Mirand Backa prej 29 vitesh praktikon sportin e karatesë, ku aktualisht ka marrë dhe titullin “Mjeshtër i rripit të zi 6 Dan”, ndërsa mban 83 medalje.

Rinia e tij, do të përkonte me kohën më të keqe që Shqipëria ishte duke kaluar, tranzicionin. Mirandi ishte vetëm 16 vjeç dhe duke parë filmat aksion, lindi dhe dëshira për të praktikuar sportin e karatesë.

28 Janari 1996 nuk do të harrohet lehtë për Mirandin, pasi ishte dhe ndeshja e tij e parë, ndonëse emocionet kanë qenë të papërshkrueshme, kushtet kanë qenë tepër të vështira.

Sakrificat për këtë sport kanë qenë të shumta nga Mirandi, pasi gjendja ekonomike nuk i mundësonte të ndiqte luksin e sportit, por dhe organizimi ka qenë tepër i vështirë për shkak të bllokimit të rrugëve.

Babai i tij ka qene një njeri strikt, por ai e lejoj djalin të merrte pjesë në këtë sport. Fillimet e karatesë kanë qenë të dhunshme, dhe këtë e tregojnë më së miri dhe shenjat në trupin e tij, por asnjëherë nuk zgjodhi të hiqte dore edhe pse politika e sportit nuk ka qenë në favor, ai asnjëherë nuk u tërhoq.

Sot ai gëzon një familje të shëndetshme që i bashkon pasioni madh që kanë për karatenë. Bashkëshortja e Mirandit, gjithmonë ka dashur të mësojë karatenë dhe një ndër kriteret që i ka kërkuar për të lidhur jetën me të, ka qenë të mësonte karatenë, ku dhe sot mban rripin e zi. Arsyeja e saj për të filluar ishte të provonte dhe ta kuptonte vuajtjen dhe mundimet e bashkëshortit të saj. Në trajnime dhe kompeticione, një mbështetje jo vetëm me fjalë por dhe me vepra. Sporti i karatesë nuk është vetëm për meshkuj por dhe për femra, këtë e tregon më së mirë bashkëshortja e tij, e cila u kthye një shembull për vajza të cilat duan të ndjekin sportin e karatesë.

Fëmijët Abdullai dhe Xhejda kanë nisur trajnimin në karate në moshën 2-vjeçare, sot ata befasojnë me rezultatet në këtë sport duke fituar bashkërisht motër dhe vëlla 286 medalje në total.

Abdullai është shpallur kampion i dyfishtë në Botëror, kampion i trefishtë në Europë dhe Nënkampion Ballkani, gjithashtu ai ka dalë dhe sportisti më i mirë në Kupën e Republikës së Shqipërisë në vitin 2014.

Mirand Backa sot njihet si një prej pionierëve të karatesë në vend dhe një frymëzim për këdo.

Familja Backa prej 6 anëtaresh të cilët e praktikojnë sportin e karatesë, kanë në total 420 medalje.

Kur nisi të praktikonte sportin e karatesë, Mirandi nuk e priste nga babai që t’i lejonte të stërvitej. Pavarësisht mundimeve dhe sforcimeve të Mirandit, vëllai i tij i madh u kthye në nxënësin e tij të parë.

Bashkëshortja e cila mësoi karatenë, mbetet femra e parë në Shqipëri e cila ka marrë pjesë në kompeticione të karatesë e mbuluar, një shembull të cilin sot e ndjek dhe vajza e saj.

Xhejda e cila është në klasë të 10-të në medresenë “Liria” është një kampione e shumëfishtë kombëtare dhe ndërkombëtare që nga viti 2014, fituese e 88 medaljeve, cilësohet si sportistja më e mirë në kupën “ Elbasani Open”.

Mjeshtre e brezit të zi 1 Dan në stilin Shotokan, Medaliste Ballkanike për fëmijë dhe kampione mbarëkombëtare për vitin 2022. Inspirim për të kanë qenë prindërit dhe vëllai i saj i madh.

Abdullai ka nisur stërvitjen në moshën 2-vjeçare, ku sot ai është dhe një asistent për babanë e tij. Arritjet e tij të përgjatë 18 viteve janë një frymëzim për këdo.

Kampion i dyfishtë në Botëror, nënkampion bote, i treti me medalje bronzi në kampionatin Botëror, Kampion i trefishtë në Europë dhe Nënkampion Ballkani, gjithashtu ai ka dalë dhe sportisti më i mirë në Kupën e Republikës së Shqipërisë në vitin 2014.

Për Abdullain stërvitja është kthyer ilaçi më i mirë, për të ulur stresin dhe për të menaxhuar më mirë ditën. Ndryshe Adbullai njihet dhe si djali i hekurt, pasi para 3 viteve Abdullai pati një aksident automobilistik, ku shenjat janë ende në fytyrë, por ai nuk u dorëzua dhe stërvitja intensive e sportit të karatesë, e lehtësonte të shkarkonte mllefin. Por dhe pse sfidat ishin të mëdha ai sërish arriti të dilte në vendin e tretë në kampionatin Ballkanik ku me një gishte të thyer arriti të zërë vendin e tretë.

Për mjeshtrin Mirand Backa, federata e sportit të karatesë është për të ardhur keq, pasi fondet janë tepër të ulëta, çka nuk motivon sportistet, edhe pse sportistë të shumtë shqiptarë kanë dhënë kontribute të mëdha.