Shkon në tre numri i personave të prekur me koronavirus në Kosovë. Lajmi është konfirmuar nga Ministri i Shëndetësisë, Arben Vitia, i cili konfirmoi se bëhet fjalë për një të afërm të 77-vjeçarit nga Vitia.
“Sapo janë identifikuar rastet e para me koronavirusin, qeveria ka marrë masa të reja. Sot, në këtë konferencë, me keqardhje ju njoftoj për një rast të ri. Bëhet fjalë për një të afërm të pacientit nga Stublla e Vitisë që u konfirmua dje me Covid-19”, tha Vitia.
Ndërkohë dje janë konfirmuar rastet e para me koronavirus në Kosovë, një 77 vjeçar nga Vitia dhe një 20 vjeçare shtetase e Italisë por që ishte me qëndrim në Klinë. Pas konfirmimit të këtyre dy rasteve, komuna e Klinës dhe Vitisë janë në karantinë.
Qeveria e Kosovës ka marrë disa masa në mënyrë që të parandalohet përhapja e koronavirusit. Në mbledhjen e djeshme të qeverisë u vendos të mbyllen të gjithë kufijtë, lokalet e qendrat tregtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
