Ish-presidenti i Federatës Kineze të Futbollit, Chen Xuyuan, është dënuar me burgim të përjetshëm për korrupsion, si pjesë e goditjes nga Pekini të abuzimit në futbollin vendas.
Një gjykatë në provincën Hubei e shpalli fajtor për “marrje ryshfeti”, raportoi People’s Daily, zëri i Partisë Komuniste Kineze.
Midis viteve 2010 dhe 2023, Chen përfitoi nga pozicionet e tij në federatë dhe organe të tjera për të pranuar në mënyrë të paligjshme shuma parash nga njerëzit e tjerë që arrijnë në 81.03 milionë juanë (11 milionë dollarë).
Ish-presidenti i Federatës Kineze të Futbollit u shfaq në një dokumentar të transmetuar në televizion në janar si një paralajmërim kundër korrupsionit, duke rrëfyer se kishte pranuar para nga ata që donin të përfitonin favore.
“Tifozët mund të pranojnë faktin se situata e futbollit kinez është shumë keq, por nuk mund ta falin korrupsionin,” tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
