Killeri serial italian, Andrea Matteuç, i cili u dënua për vrasjen e një tregtari si dhe tre prostitutave, është liruar. 54-vjeçari ishte dënuar më 1998-ën me 30 vjet burg, për vrasjen e tregtarit në vitin 1980 dhe prostitutave ku njëra prej tyre ishte shqiptare mes viteve 1992 dhe 1995.
Ndërkohë, ai u akuzua dhe për tentativë vrasje të një vajze. ‘Corriere.it’ shkruan se 54-vjeçari ishte shtruar në spitalin psikiatrik në Reggio Emilia, ndërsa tashmë ai mund të kthehet në një spital të kujdesit mental në Valle d’Aosta. Matteuçi ishte shpallur i sëmurë mendor me një vendim prokurorie.
Viktima e parë ishte Dominic Raso, 50 vjeç, një tregtar fruta perimesh, të cilit Matteuçi e vrau me thikë mbrëmjen e 30 prillit të vitit 1980. Për këtë vrasje u burgosën në atë kohë 4 të rinj, por më pas u liruan.
Ishte pikërisht Matteuçi ai që rrëfeu se kishte kryer dhe krime të tjera, siç ishte vrasja e Daniela Zago-s, 30 vjeçe, nga Torino në 1992-in, në ’94 Clara Omarei Bee, 26 vjeçe, nga Nigeria, 20-vjeçaren Albana Dakovi në vitin 1995 nga Shqipëria. Të gjithë u vranë dhe u dogjën. “I vrava sepse shisnin dashuri”, tha Matteuçi para hetuesve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
