Një ngjarje e rëndë është regjistruar ditën e sotme ku një grua është gjetur e pajetë dhe me shenja dhune në trup.
Ngjarja ka ndodhur në fshatin Bajzë të Malësisë së Madhe, në banesë, ndërsa kanë qenë familjarët ata që kanë gjetur shtetasen V.G., 47 vjeçe, pa shenja jete.
Në vendngjarje ka shkuar grupi hetimor dhe nga këqyrja paraprake dyshohet se ndaj shtetases V. G., mund të jetë ushtruar dhunë fizike e cila mund të jetë edhe shkaku i vdekjes së saj.
Trupi është dërguar në morgun e spitalit, për ekspertizë më të specializuar, me qëllim përcaktimin e shkakut të humbjes së jetës.
Nën drejtimin e Prokurorisë vijon puna për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
