Katër persona rezultojnë të zhdukur pasi një helikopter ushtarak u rrëzua në brigjet e Queensland në Australi. Incidenti ndodhi gjatë një stërvitje gjatë natës mes të premtes dhe të shtunës, midis ushtrisë australiane dhe amerikane në ishullin Lindeman. Ministri i Mbrojtjes Richard Marles tha se një mision kërkimi dhe shpëtimi ishte nisur menjëherë. “Katër pjesëtarë të ekuipazhit ajror nuk janë gjetur ende,” tha Marles gjatë një konference për shtyp të shtunën në mëngjes. Ai shtoi se helikopteri MRH-90 Taipan u rrëzua pranë ishullit, në Whitsundays, rreth orës 22:30 me kohën lokale. Duke folur në të njëjtën konferencë për shtyp, shefi i Forcave të Mbrojtjes Angus Campbell tha se ishte një moment i tmerrshëm. “Fokusi ynë për momentin është të gjejmë njerëzit tanë dhe të mbështesim familjet e tyre dhe pjesën tjetër të ekipit tonë”, tha ai. Ai tha se vlerëson mbështetjen e dhënë nga agjencitë civile, policia, publiku dhe “aleatët tanë të SHBA” për të ndihmuar operacionin e kërkim-shpëtimit deri më tani. MRH-90 Taipan u rrëzua gjatë stërvitjeve si pjesë e stërvitjes Talisman Sabre, stërvitjes më të madhe dypalëshe të stërvitjes ushtarake midis Australisë dhe Shteteve të Bashkuara. Zyrtarët e mbrojtjes njoftuan një pauzë në stërvitjen Talisman Saber, e cila përfshin gjithashtu ushtarë nga Japonia, Franca, Gjermania dhe Koreja e Jugut. Stërvitja kishte hyrë në javën e saj të dytë dhe po testonte logjistikën në shkallë të gjerë, luftimet tokësore, uljet amfibe dhe operacionet ajrore dhe pritej të përfundonte më 4 gusht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
