Njohësit e mirë të artit në Spanjë po kërkojnë hartimin e rregulloreve të reja sa i përket restaurimit të veprave të artit. Reagimi vjen pas restaurimit përçudnues që iu bë pikturës së shekullit të XVII nga një restaurures mobiljesh.
Rasti u publikua në mediat lokale, ku shfaqet kopja e “Ngjizjes së papërlyer”, një pikturë e famshme e artistit të shekullit të XVII, Bartolomé Esteban Murillo, e dëmtuar pas restaurimit amator.
Detyra i ishte ngarkuar nga një koleksionist arti një restauruesi mobiljesh, i cili kërkoi 1 200 € për restaurimin. Rezultati nuk ka asnjë lidhje me origjinalin dhe duket një karikaturë e tij në tentativën e dytë.
“Unë nuk mendoj se ky djalë - ose këta njerëz - duhet të konsiderohen restaurues", i tha Fernando Carrera, profesor arti dhe ish-president i Shoqatës Profesionale të Restauruesve dhe Konservatorëve (ACRE) të Spanjës britanikes “The Guardian”. "Le t’i themi gjërat siç janë... Ata i shkatërrojnë gjërat."
Carrera është një nga njerëzit e artit që këkon një rregullore të re që përcakton qartë se kush duhet të lejohet t’i restaurojë veprat e artit.
Rasti më i famshëm i një restaurimi katastrofik është ai që iu bë në vitin 2012 “Ecce Homo”, një pikturë e Jezu Krishtit e bërë nga Elías García Martínez gati një shekull përpara në murin e një kishe në Borja, Spanjë. Versioni i restauruar u njoh si "Krishti majmun", një karikaturë që nuk kishte asgjë të përbashkët me origjinalin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
