Shtëpia e Bardhë u ka kërkuar ligjvënësve që të miratojnë 10 miliardë dollarë ndihmë humanitare për Ukrainën, si pjesë e një kërkese për financim urgjent prej 32.5 miliardë dollarësh, dërguar në Capitol Hill ndërsa Rusia vazhdon përparimin e saj në Ukrainë.
Kërkesa vjen pas disa javësh diskutimesh midis zyrtarëve të Shtëpisë së Bardhë dhe ligjvënësve për formën e çdo kërkese të mundshme urgjente, e cila pritej të fokusohej shumë në nevojat e Covid-19.
Por përshkallëzimi i sulmeve ruse ka rritur në mënyrë dramatike madhësinë e kërkesës veçanërisht për Ukrainën. Ligjvënësit janë në mes të negociatave për një marrëveshje financimi afatgjatë dhe përballen me një afat kohor më 11 mars për të arritur një marrëveshje.
Fondet e Ukrainës pritet t'i bashkëngjiten çdo marrëveshjeje përfundimtare.
"Kjo kërkesë identifikon një nevojë imediate për 10 miliardë dollarë ndihmë shtesë humanitare, sigurie dhe ekonomike për Ukrainën dhe partnerët e Evropës Qendrore për shkak të pushtimit të pajustifikuar dhe të paprovokuar të Rusisë" thuhet në kërkesën zyrtare të dërguar të mërkurën nga ushtruesja e detyrës së drejtorit të Zyrës së Menaxhimit dhe Buxhetit Shalanda Young.
Young sugjeroi se kërkesa fillestare prej 10 miliardë dollarësh për Ukrainën do të adresonte "nevojat imediate" dhe mund të nevojiteshin më shumë fonde.
Duke pasur parasysh situatën në zhvillim të shpejtë në Ukrainë, unë parashikoj që nevoja shtesë mund të lindin me kalimin e kohës. Kjo kërkesë për financim bazohet në informacionin më të mirë të administratës mbi kërkesat për burime në këtë kohë dhe ne do të qëndrojmë në kontakt me Kongresin në javët dhe muajt e ardhshëm ndërsa vlerësojmë kërkesat për burime përtej këtyre nevojave imediate.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
