Katër operacione të policisë italiane kanë çuar në sekuestrimin e një sasie prej 1000 kg drogë dhe arrestimin e 4 shqiptarëve. Operacionet policore janë kryer në komunat San Foca e San Kataldo në provincën e Lecces.
Në operacionin e parë janë vënë në pranga dy shqiptarë me inicialet V.S. dhe S.N., rezidentë në Veri të Italisë. Ata po trasportonin rreth 70 kg marijuanë të fshehur në makinën e tyre, ku iu gjet dhe një armë automatike kallashnikov AK47 e fabrikuar në Kinë.
Ky rast ka shtuar dyshimet e policisë italiane, e cila në një operacion të dytë ka vënë në pranga një tjetër shqiptar. S.M., 38 vjeç është arrestuar pasi në makinë iu gjetën 130 kg marijuanë.
Ndërsa një operacion i tretë ka identifikuar një mjet të dyshuar me drogë. Në pranga është vënë R.S., 23 vjeç, në mjetin e të cilit u gjetën 100 kg marijuanë.
sekuestrimi i gjithë kësaj sasie e ka çuar policinë drejt një zonë rurale në Acaya, ku janë gjetur edhe 500 kg të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
