OKB: 9 mijë civilë janë vrarë që nga nisja e luftës në Ukrainë, mes tyre 500 fëmijë
Sipas OKB-së që nga fillimi i luftës më 24 shkurt 2022, më shumë se 9,000 civilë ukrainas janë vrarë, duke përfshirë 500 fëmijë.
“Sot kemi kaluar fatkeqësisht një moment historik të ri trishtues në një luftë që vazhdon të shkaktojë viktima të tmerrshme civile në Ukrainë”, tha Noel Calhoun, nënkryetar i Grupit të Monitorimit të Kombeve të Bashkuara për të Drejtat e Njeriut në Ukrainë, duke shtuar se numri i viktimave civile në 500 ditët e luftës janë tre herë më të larta se në tetë vitet e konfliktit zvarritës që nga viti 2014 që i parapriu pushtimit.
