Presidenti i Këshillit Evropian, Dondal Tusk, pas takimit me kryeministrin e Maqedonisë, Zoran Zaev, konfirmoi se është çështje orësh që shefat e shteteve të BE-së të votojnë datën për çeljen e negociatave me Maqedoninë dhe Shqipërinë. Ai tha se kjo javë ishte frytdhënëse sa u përket aspiratave integruese të Ballkanit Perëndimor. Ndërkohë, kreyminstri Zoran Zaev tha se Maqedonia mbetet e përkushtuar në përmbushjen e kritereve, ndërsa shprehu bindjen se bisedimet bazuar në praktikat e deritanishme do të zgjasin 7-8 vjet.
"Kjo është një javë e mirë për vendin tuaj dhe për Ballkanin Perëndimor, ministrat e Punëve të Jashtme të BE-së e hapën rrugën për fillimin e negociatave për anëtarësim për Maqedoninë dhe Shqipërinë në qershor të vitit 2019 dhe për disa orë presim që shefat e qeverive ta konfirmojnë këtë vendim", tha Tusk.
Kryeministri Zaev theksoi se sot në Bruksel në zemrën e Evropës është konfirmuar lajmi i madh që Republika e Maqedonisë të marrë datë për negociata në qershor të vitit 2019.
“Vendi ynë e meriton këtë. Liderët e BE-së thanë po, vendi e meriton këtë. BE-ja pranoi që Maqedonia nga një vend i robëruar vetëm për një vit bëri një kthesë të madhe. Për vetëm një vit Republika e Maqedonisë është vend i ndryshimeve pozitive, i inkluzivitetit, i dialogut politik, për vullnet politik për zgjidhjen e problemeve me fqinjët”, tha në konferencën për mediat kryeministri Zaev.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
