Në botën virtual mund të mjaftojnë 20 shkronja që të kthehesh nga një njeri i thjeshtë në një “yll” Tuiteri. Kjo i ka ndodhur një punëtori të thjeshtë fabrike, që në një vit pune paguhet jo më shumë se 5 mijë paund. Siç raporton “Daily Mail”, ai u bë i famshëm në rrjetin social katër vjet më parë, kur Kim Kardashian postoi në Tuiter një status të thjeshtë për të.
Jerome Billingham kishte komentuar në një nga postimet e yllit ë shoubizit, ku e kishte pyetur nëse ajo i lexonte komentet e ndjekësve. “A i sheh fansat. Unë të dua shumë”, ka shkruar ai.
Kim ka ripostuar komentin e tij me fjalët: Po Jerome, edhe unë të dua shumë.
Ka mjaftuar vetëm një javë që numri i ndjekësve të tij në Tuiter të shkojë nga 200 në 20 mijë. Ai tashmë ka më shumë se gjysmë milioni ndjekës në llogarinë e tij. Kompani të ndryshme veshjesh i çojnë vazhdimisht produktet e tyre falas në shtëpi, në mënyrë që ai t’u bëjë reklamë. Dhjetëra biznese të tjera i kanë kërkuar që ai të promovojë produktet e tyre. Ai tashmë bën shumë para thjesht duke reklamuar produkte si Primark.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
