Sot gjithçka rreth Notre Dame ka rënë në qetësi. Për pjesën më të madhe të vitit godina ishte e rrethuar mes zhurmave të punimeve, turistët dhe trafiku përreth godinës së famshme.
Por sot ky gjigant gotik qëndron i heshtur dhe i zbrazët.
"Notre Dame është një zonjë 850 vjeçare", si shprehet rektori i Notre Dame, Patrick Chauvet. "Ajo është një zonjë e dëmtuar, e moshuar. Dhe për të gjithë të moshuarit, të dëmtuarit, ata që janë në karantinë, ose të izoluar në shtëpitë e pensioneve, unë mendoj se ka një lidhje simbolike. Këtu nuk është askush rreth Notre Dame, ajo ka mbetur vetëm, por nuk është braktisur".
Si sot një vit më parë në orët e vona të pasdites së 15 Prillit 2019, tymi filloi të ngrihej nga Notre Dame. Një zjarr shpërtheu në Katedralen Notre-Dame në Paris, duke shkatërruar pjesërisht ndërtesën e vjetër gati mijëvjeçare dhe veprat e saj të çmuara të artit, të vizituara nga miliona njerëz në vit.
Tashmë puna është pezulluar dhe vinçat rrinë mbi godinën e famshme për të rifilluar punën pas periudhës së izolimit për shkak të pandemisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
