Pas deklaratës së sotshme të Partisë Demokratike, ku thuhet se ka prova e fakte që vërtetojnë se kryebashkiaku i ri i Shkodrës, ka qenë i dënuar më parë në Itali për trafik droge, Valdrin Pjetri është kundërpërgjigjur me një postim në mediat sociale.
Ai thotë se e ka bërë deklarimin e tij para kandidimit dhe sërish para pak ditësh me dokumentet përkatëse. Sipas tij, nuk mbetet asgjë për të shtuar, pasi vetë zyrat e zbatimit të ligjit do ta nxjerrin të vërtetën.
“Unë të vërtetën time e deklarova para kandidimit si dhe para pak ditësh me dokumente zyrtare.
E vetmja e vërtetë është ajo që del nga zyrat e agjensive të zbatimit të ligjit dhe jo nga foltoret e PD.
Pres me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
