At Nikolla Xhufka, predikues ortodoks në njërën nga Kishat në Elbasan, përmes një mesazhi në rrjete social ai ka vlerësuar shumë besimtarët mysliman në besimin dhe predikimet e tyre.
Në lidhje me këtë, në një komunikim me “MCN live”, At Xhufka, thotë se mesazhi ka trazuar pak ujërat në mesin e besimtarëve ortodoks, por si përfundim, ka reflektuar në mesin e tyre, të cilët kanë mbushur kishën në meshën e së dielës.
Mesazhi më ka ardhur spontanisht, duke parë boshatisjen e kishave dhe mospjesëmarrjen e besimtarëve ortodoks nëpër kisha.
Besimtarët mysliman i falen zotit 5 herë në dite dhe i mbushin xhamitë, dhe janë për çdo mirënjohje, me këtë mesazh, ishin mërzitur besimtarët ortodoks, dhe më thanë na ke sharë ne, e ke lavdëruar ata. Por unë ju them se njërit fetar, të të dy besimeve nuk shajnë, secili e kane besimin e vet.
Edhe pse fillimisht nuk e pritën mirë mesazhin, vërejta që të dielën ishte mbush kisha plot.
Edhe kisha edhe xhamia janë shtëpi të Zotit, pjesëmarrja nëpër liturgji e mesha është thelbësore, sepse të jep paqe shpirtërore, do të kesh bekimin në jetën e tyre.
Ne jemi dy kisha ortodokse në Elbasan, që veprojmë të pavarura nga Kisha greke e Anastas Janulatasit, dhe predikojmë shqip, as greqisht as serbisht, sepse mendojmë se Zoti na kupton vetëm shqip, prandaj, s’kemi pse presim reagim nga kjo kishë në Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
