Senatori i Floridës, Marco Rubio, ka nisur luftën ndaj TikTok. Ai së bashku me dy deputetë, republikanin nga Wisconsin, Mike Gallagher dhe demokratin nga Illinois, Raja Krishnamoorthi, propozuan një ligj bipartizan për të parandaluar funksionimin e rrjetit social në Shtetet e Bashkuara.
Projektligji vjen pasi administrata Joe Biden dhe ish-Presidenti Donald Trump ndanë shqetësimet në lidhje me aplikacionin dhe rreziqet e tij të sigurisë.
Disa shtete amerikane, përfshirë Utah, Maryland dhe Teksas, janë përpjekur tashmë të ndalojnë përdorimin e TikTok në agjencitë qeveritare.
Dokumenti parashikon gjithashtu ndalimin e të gjitha transaksioneve në SHBA nga kompanitë e mediave sociale që janë të bazuara ose të ndikuara ndjeshëm nga vende të huaja si Rusia, Kina dhe të tjera.
Sekretarja e Thesarit Janet Yellen tha se aplikacioni ka "shqetësime legjitime për sigurinë kombëtare" për Shtetet e Bashkuara dhe në fillim të këtij muaji, drejtori i FBI-së Christopher Wray shpjegoi se kompania TikTok kontrollohet nga qeveria kineze, e cila mund ta "përdorë atë për operacione ndikimi ".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
