<p>Eksperti i çështjeve të arsimit, Ndriçim Mehmeti, foli në studion e MCN TV për mungesën e mësuesve ndihmës në shkolla dhe për arsimin e fëmijëve me aftësi ndryshe. Mehmeti u shpreh se për të përmirësuar shërbimin për këta fëmijë së pari duhet ndryshuar ligji.</p> <blockquote> <p><em>Mësuesit ndihmës janë të patrajnuar, po ushtrojnë profesionin pa u trajnuar. Nuk është vetëm rritja e pagave, janë dhe kushtet e punës. Ndihmës mësuesit u thonë vërtetë kemi 2 fëmijë tani, por vitin tjetër mund të mos i kemi. Iu ndërpriten marrëdhëniet e punës, i ndërpriten sigurimet shoqërore. Kemi me ADHD, hiperaktiv, disleksi, sindromën Daun, secili ka planin individual të mësimit.</em></p> <p><em>Një pjesë e prindërve dhe meshkujve i kanë braktisur fëmijët autikë. Është një dramë dy herë më e madhe, por nuk flet njeri. Thuhet do bëhen shkollat me ushqim. Po nga ora 12-16 çfarë do të bëhet? Në Kosovë, kjo është e ndarë. Duhet ndryshuar ligji. </em></p> </blockquote> <p>Mehmeti solli një rast konkret.</p> <blockquote> <p><em>Kam rastin e një nëne me fëmijën autik, që u detyrua ta çonte fëmijën në Itali, sepse nuk kishte programe shkolla këtu. Mbështetja sociale që merret për këta fëmijë është aq sa të rrish pa punë. Ata janë pjesa e shoqërisë që kanë nevojë më shumë për ne. Atje ne tregojmë fytyrën tonë shoqërore. </em></p> </blockquote> <p>Ai theksoi se modelet janë shumë dhe soli rastin e qendrave burimore.</p> <blockquote> <p><em>Për duhet riformatuar i gjithë arsimi. Duhet një plan masash, duhet vullnet politik dhe specialistë, do edhe para. Kur erdhi zonja Kushi, bënë një xhiro nga Finlanda. U thashë shkoni shikoni si i ka Kosova qendrat burimore. Po më thanë, Kosova i kishte më të mira. Qendër burimore nuk është një shkollë për arsye të caktuara. Qendër burimore është një ekip multidisiplinar i paguar mirë. Është përhapur në mënyrë kapilare paaftësia dhe padrejtësia. Kjo e dyta rëndon më shumë. </em></p> </blockquote> <iframe width="560" height="315" src="https://www.youtube.com/embed/CG1pb3aWAho?si=rx7uLdpVa0-s7pWm" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
