Autostrada “Arbën Xhaferri”, e cila lidh Kosovën me Maqedoninë e Veriut, është funksionale duke nisur nga dita e sotme.
Ceremonia e përurimit të saj mblodhi sot bashkë krerët e institucioneve të Kosovës: presidentin Hashim Thaçi, kryeministrin Ramush Haradinaj dhe kryetarin e Kuvendit, Kadri Veseli; dhe ata të Maqedonisë së Veriut: kryeministrin Zoran Zaev, kryeparlamentarin Talat Xhaferi, kryeministrin e Malit të Zi, Dushko Markoviç, ambasadorë të akredituar në Kosovë. Në ceremoni mungoi kryeministri shqiptar, Edi Rama.
Kryeministri Ramush Haradinaj u shpreh gjatë ceremonisë së përurimit se rruga i afron me njëra-tjetrën shtetet fqinje dhe i jep një pamje të re gjithë rajonit.
Autostrada “Arbën Xhaferi” i ka kushtuar buxhetit të Kosovës rreth 706 milionë euro. Ura mbi Lepenc, në Grykën e Kaçanikut, është rreth 7 kilometra dhe konsiderohet më e gjata në Ballkan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
