Moti i keq përfshin Zvicrën, rrëshqitje dheu dhe përmbytje

Rrëshqitje dheu dhe përmbytje kanë përfshirë kantonin Ticino në jug të Zvicrës si pasojë e reshjeve të shiut dhe erës së fortë.

Kushtet e këqija të motit në Ticino kanë shkaktuar përmbysjen e disa pemëve dhe mbylljen e shumë rrugëve.

Trafiku hekurudhor shënoi ndërprerje gjatë natës, ndërsa iu kthye normalitetit në orët e mëngjesit.

Për shkak të shirave dhe erërave të forta u përjetuan rrëshqitje dheu dhe përmbytje.

Disa rrugë të cilat ishin të mbyllura në kanton që nga dje për shkak të rrezikut nga rrëshqitjet e dheut, u hapën për qarkullim mëngjesin e sotëm, ndërsa rruga Val Bedretto-Calanca ndodhet ende e mbyllur për arsye sigurie. Edhe sot në jug të Zvicrës pritet të vazhdojë moti me reshje.