Gazetari sportiv Gerti Çarçani, gjatë intervistës në “Arnautistan” në MCN TV tha se retorika e politikës në Shqipëri i kaloi limitet, çka sipas tij e detyroi presidentin e UEFA-s për të ardhur në Tiranë. Çarçani tha se kjo nuk u bë për Armand Dukës si person, por pasi u cenua autoriteti i qeverisë së futbollit.
Kryetari i bashkisë anatemoi procedurat e shkeljeve, apo siç pretendonte ai gjërave të jashtligjshme, por zgjedhjet bazohen mbi faktin e një statuti. Futbolli ka një kushtetutë, dhe ai statut një vit më parë është certifikuar nga ky shtet, nga ministria përkatëse. Retorika shumë e ashpër i kaloi limitet, caqet, sa detyroi presidentin e UEFA-s për të ardhur në Tiranë. Për një arsye. Nuk bëhet fjalë për Armando Dukën, por për cenimin e autoritetit të një qeverie. Bëhet fjalë për cenimin e autoritetit të UEFA-s. Retorika shkoi aq vulgare, aq larg, saqë ai erdhi jashtë programit dhe jashtë kohe. Retorika faktoi ndërhyrjet politike”, tha Çarçani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
