Ermal Tahiri, ish-futbollist, analizoi në emisionin “Skaner” në MCN TV, barazimin e Partizanit ndaj Bate Borisov, në turin e parë të Champions League. Sipas tij, kampionët e Shqipërisë i kanë të gjitha mundësitë për tu kualifikuar më tej, ndërsa shtoi se në ndeshjen e kthimit duhet të jenë të qetë dhe me personalitet. “Partizani është në rritje. Mund të bëjë më shumë se kaq. Koha ishte e vogël, ekipi mund të shkojë më mirë. Bate nuk mund të bëjë më shumë se kaq, pasi janë në mes të kampionatit. Partizani i ka të gjitha mundësitë për kualifikim. Lojtarët humbasin shumë raste për shënim. Nëse do jemi më të qetë dhe me personalitet më të madh, Partizani mund ta dëmtojë Baten, duke i shënuar. Mesa pamë ne, gjendja fizike e Partizanit është shumë e mirë.”, deklaroi Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
