Siguria në punë, Zika: Duhen shtuar kontrollet, në disa raste punonjësit janë vetë fajtorë

<p>Gjatë vitit 2024, janë shënuar 177 raste të klasifikuara si aksidente pune, duke përfshirë 33 humbje jete. Sektori i ndërtimit mbetet më i rrezikuari me 24% të aksidenteve, duke reflektuar zhvillimin e shpejtë të këtij sektori me 1 019 kantiere/leje ndërtimi të lëshuara në vitin 2024 sipas INSTAT.</p> <p>Sektori “Miniera-Kariera” përfaqëson 18% të aksidenteve, duke mbetur një nga sektorët me risk shumë të lartë. Po ashtu edhe viti 2025 ka nisur më një numër të lartë aksidentesh në punë.</p> <p><a href="https://www.fibank.al/individe/kredi/kredi-konsumatore/kredi-konsumatore-premium" rel="noopener noreferrer" target="_blank"><img alt="Fibank" height="100" loading="lazy" src="https://www.mcntv.al/sites/default/files/fibankv1.gif" width="300"></a></p> <p>Kumrie Zika, eksperte punësimi, tha në studion e MCN Informacion se ndërsa mbetet domosdoshmëri ushtrimi i kontrolleve për të parë sa zbatohen masat e sigurisë në punë, në disa raste janë vetë punëtorët ata që pranojnë në heshtje të punojnë në mungesë të tyre. &nbsp;</p> <blockquote> <p><em>Shkaqet e aksidenteve janë të ndryshme. Në sektorin e ndërtimit, masat duhet të merren nga punëdhënësi. Duhen shtruar masat e kontrollit për të parë sa i zbatojnë punëtorët rregullat. </em></p> <p><em>Një pjesë e punëtorëve janë edhe vetë fajtorë. Ata pranojnë të punojnë pa kontratë dhe pa kushte sigurie. Kur nuk e mbrojnë vetë veten e tyre, nuk i mbron dot as shteti. </em></p> </blockquote> <p>Zika shtoi se politikat e trajnimit mbeten të pamjaftueshme, ndërsa një punonjës që humbet punën e ka shumë të vështirë të marrë atë që i takon. &nbsp;</p> <blockquote> <p><em>Politikat e trajnimit dhe zbatimi i tyre janë të pamjaftueshme. Duhet të bëhet një pjesë kulture pune. </em></p> <p><em>Për sindikatën një punëtor që humbet punën është i padukshëm. Në momentin që ata dalin nga tregu i punës e kanë shumë të vështirë të gjejnë të drejtën e tyre. </em></p> </blockquote>