Reshjet e dëborës përfshijnë juglindjen e vendit, trashësia në Dardhë deri në 10 cm

Reshjet e dëborës kanë përfshirë mëngjesin e sotëm pothuajse gjithë zonat malore të juglindjes së vendit.

Reshjet më të dendura kanë qenë në Dardhë dhe fshatrat e Devollit të Sipërm, ku trashësia ka shkuar nga 8-10 cm.

Burime bëjnë me dije se reshjet e dëborës kanë qenë me intesitet mesatar në fshatra të Njësisë Administrative Lekas në Bashkinë Korçë si dhe Njësinë Administrative Dardhas në Bashkinë e Pogradecit.

Akset rrugore janë të kalueshme pa probleme ndërkohë që policia e qarkullimit rrugor u kërkon drejtuesve të mjeteve të bëjnë kujdes dhe përdorin goma dimërore.

Përsa i përket problemeve me energjinë elektrike zyrtarisht nuk raportohen probleme me përjashtim të fshatit Vithkuq qe herë pas here ka shkëputje të energjisë elektrike.