Thirrjen për mbajtjen e zgjedhjeve të parakohshme në Kosovë drejtuar presidenit, Hashim Thaçi nga ana e kryeministrit të dorëhequr, Ramush Haradinaj, e ka mbështetur edhe kryetar i Partisë Demokratike të Kosovës, Kadri Veseli.
Në një dalje për shtypin,të shtunën, Veseli tha se zgjedhjet tashmë janë të pashmangshme, ndërsa dorëheqjen e Haradinajt e cilësoi një vendim personal.
Veseli ndërkaq kërkoi nga qytetarët e Kosovës të kenë besim të plotë për shkak të thirrjeve të fundit nga tribunal i Hagës, ndaj ish-udhëheqësve të UÇK-së, pasi siç tha ai, shteti, sovraniteti dhe integriteti vendit do të jenë të pacenuara.
Dorëheqja e kreut të Aleancës për Ardhmërinë e Kosovës, Ramush Haradinaj, nga posti i kryetarit të qeverisë i dha fund koalicionit ndërmjet partisë së tij, asaj demokratike dhe Nismës Socialdemokrate që garuan së bashku në zgjedhjet e përgjithshme të 11 qershorit të vitit 2017.
Por tensionet e brendshme mes forcave të kolaicionit dolën hapur, për shkak të tarifave të Kosovës ndaj mallrave serbe dhe dialogut me Serbinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
