Lideri i opozitës në Singapor, Pritam Singh akuzohet se ka gënjyer nën betim në një komision parlamentar.
Akuzat lidhen me trajtimin e Singh ndaj një ish-deputeteje nga partia e tij, i cili gënjeu në parlament në një rast të veçantë.
Nga ana e tij Singh i ka hedhur poshtë akuzat. Duke u paraqitur në gjykatë të martën, ai tha se do të kundërshtonte akuzat.
Prokurorët thonë se synojnë të kërkojnë gjoba për Singh, i cili gjithashtu mund të humbasë vendin e tij në parlament.
Në gusht 2021, deputetja Raeesah Khan, në atë kohë një ligjvënëse nga Partia e Punëtorëve, pretendoi se policia ishte sjellë keq ndaj një viktime të sulmit seksual. Por më vonë ajo pranoi se deklarimi i saj nuk ishte e vërtetë.
Khan u gjobit për gënjeshtra dhe abuzim me privilegjin e saj parlamentar. Që atëherë ajo ka dhënë dorëheqjen nga partia dhe ka liruar vendin e saj.
Gjatë një hetimi të mëvonshëm të komisionit parlamentar për incidentin, Singh u thirr si dëshmitar dhe dha dëshmi në lidhje me mënyrën se si ai u soll me zonjën Khan.
Zonja Khan pretendoi se Singh e inkurajoi atë të vazhdonte narrativën e saj pavarësisht se zbuloi se nuk ishte e vërtetë.
Singh e ka mohuar diçka të tillë, por gjithashtu tha se i kishte dhënë zonjës Khan shumë kohë për t’u zgjidhur përpara se ta mbyllte këtë çështje me të.
Komiteti më vonë doli në përfundimin se Singh nuk kishte qenë i sinqertë ndërsa fliste nën betim dhe rekomandoi një hetim penal për sjelljen e tij.
Singh ka thënë se ai nuk mund të pranonte gjetjet e komitetit dhe se ai “synon të pastrojë emrin e tij”.
Sipas fletëve të akuzave të lëshuara të martën, Singh akuzohet se ka dhënë përgjigje të rreme me dashje në komisionin parlamentar në lidhje me çështjen e zonjës Khan.
Për çdo akuzë, ai përballet me një burg deri në tre vjet ose një gjobë maksimale prej 7000 dollarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
