Presidenti turk Rexhep Tajip Erdogan ka shprehur dëshirën për të nisur një epokë të re në marrëdhëniet e Greqisë me Turqinë në një deklaratë për Kathimerini. Ai i përcolli edhe një mesazh kryeministrit grek Kyriakos Mitsotakis.
Në një bisedë me Kathimerini pas tubimit të tij të fundit parazgjedhor në kryeqytetin turk, Ankara, Erdogan deklaroi: “Ne mund të lëmë mënjanë armiqësitë dhe garat me Greqinë, pasi këto kanë dëmtuar ndjeshëm të dy vendet dhe nuk duhet të vazhdojnë. Shpresoj që zgjedhjet në Greqi dhe Turqi të shënojnë fillimin e një epoke të re. Nga Turqia i dërgojmë Greqisë përshëndetjet tona të ngrohta dhe miqësore”.
Kur u pyet nëse kishte një mesazh për kryeministrin grek, Erdogan u përgjigj: "Mitsotakis duhet t'i marrë parasysh këto përshtypje dhe të mbajë premtimet e tij".
Zgjedhjet e ardhshme të 14 majit po bëhen gjithnjë e më shumë një garë e ngushtë midis Erdoganit, i cili ka udhëhequr Turqinë për më shumë se 20 vjet, dhe sfiduesit të tij kryesor Kemal Kilicdaroglu. Sondazhet e fundit të opinionit tregojnë një avantazh të lehtë për Kilicdaroglu, kandidatin e një koalicioni opozitar prej gjashtë partish.
Presidenti turk është i bindur në fitoren e tij zgjedhore duke pohuar se: “Tubimet e mëdha në sheshet publike e demonstrojnë këtë; Njerëzit e shfaqin këtë dëshirë, dhe ju mund ta shihni atë gjithashtu”.
Nëse asnjë kandidat nuk siguron 50 për qind të votave të dielën, balotazhi do të mbahet dy javë më vonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
